Trovi kaŝitajn servojn por Tor povas esti komplika afero sen la helpo de serĉilo. Bonŝance estas kelkaj. La ligiloj al ĉi tiuj serĉiloj nur funkcias en retumiloj, kiuj ebligas aliri al kaŝitajn servojn, kiel Tor Browser kaj Brave.

1. Ahmia

Ĉi tiu serĉilo estas libera kaj havas pli ol 53 000 kaŝitajn servojn Legu plu el La plej bonaj serĉiloj de la profunda Interreto de Tor

Ĉu vi volas krei retejon uzante Nginx-servilon kaj vi volas ankaŭ havi tiun retejon kiel kaŝitan servon por Tor-uzantoj? Ĉi tie mi klarigas al vi kiel tion fari en Debiano (GNU/Linukso).

Unue ni devas instali la jenajn pakojn:

sudo apt install nginx tor

Poste oni devas malkomenti la sekvajn liniojn de la dosiero /etc/tor/torrc:

#HiddenServiceDir /var/lib/tor/hidden_service/
#HiddenServicePort 80 127.0.0.1:80

Jen la rezulto:

HiddenServiceDir /var/lib/tor/hidden_service/
HiddenServicePort 80 127.0.0.1:80

Sekve ni restartigas la Tor-servon:

sudo systemctl restart tor

Dum la restartigo Tor kreas la hidden_service/-dosierujon kaj plenigas ĝin per la URL de la kaŝita servo (dosiero hostname) kaj la publika kaj privata ŝlosiloj.

Se kaj Nginx kaj Tor rulas kiel servoj kaj ni iras al la adreso, kiu estas en /var/lib/tor/hidden_service/hostname, ni povos vidi la bonvenan paĝon de Nginx.

Implicite la retejo por Nginx devas troviĝi en la vojo /var/www/html/. Do ni nur devas disvolvi la retejon ene de tiu dosierujo. Ne gravas, ĉu oni uzu Tor-URL-n aŭ kutiman URL-n, la retejo estas la sama. Atentu, ke por ke la ligiloj al aliaj paĝoj de via retejo funkciu uzante .onion-URL-jn, oni bezonas uzi relativajn adresojn.

kromaĵo: aldoni paĝokapo .onion disponebla

Pro via laboro aŭ io ajn vi devas skribi kelkfoje signojn, kiujn vi ne trovas pentritaj en la klavaro (¹, «, —, ä, ĉ, ß, ŭ, ktp.), aŭ vi havas rompitan klavon. Kion vi faras? Legu plu el Skribi ĉiun ajn signon per la klavaro en GNU/Linukso, rapide

Por bloki retejojn vi povas uzi retumilan kromprogramon (kiel Block Site), prokurilan servilon (kiel Squid), sed ankaŭ estas la opcio redakti la hosts-dosieron, metodo kiu konsumas malmultege da ĉefmemoro kaj, malkiel la retumila kromprogramo, funkcios por ĉiu retumilo aŭ programo, Legu plu el Bloki retejojn: hosts-dosiero