Reuzi liberajn programojn
Unu el la grandaj avantaĝoj de liberaj programoj estas ilia kapablo esti reuzitaj. Vi povas integri kodon el aliaj programaj projektoj en novajn projektojn, ŝparante tempon kaj permesante al vi konstrui sur la ŝultroj de gigantoj. Kompreneble vi devas respekti la laboron de la origina projekto, kaj tio signifas observi la kondiĉojn de ĝia liberprograma permesilo.
Integri permeseman programon en novajn verkojn
La ĉefa allogo de permesemaj programaj permesiloj estas la eblo integri ilin en ĉion ajn kun relative malmulte da devigo rilate al la aŭtorajtaj posedantoj. La plejparto da la permesemaj permesiloj nur postulas, ke vi inkludu la permesilan tekston, aŭ eĉ nur rajtoceda deklaro, en via projekto. Por liberprogramaj projektoj, kiuj integras permeseme licencitaj verkoj en sian laboron, plenumi tiujn devigojn ofte estas tiel simpla kiel inkludi kroman permesilon kun via fontkodo.
Kiam vi integras permeseme licencitan liberan programon en ne-liberajn verkojn, vi devas distribui la liberprograman permesilon kaj/aŭ rajtocedan atribuon kun via programo. Multaj komercaj uzantoj de permeseme licencitaj liberaj programoj inkludas menuon ie en siaj produktoj, kiu listigas la aplikeblajn programajn permesilojn aŭ inkludas presitan version kun la produkto. Vi devos elpensi similan metodon.
Integri rajtocedan programon en novajn verkojn
La plejparto de liberaj programoj povas esti integrita en rajtocedajn programojn, kaj inverse, se la permesiloj kongruas. Ĝenerale la plej popularaj permesemaj permesiloj — sed ne ĉiuj — kongruas kun la plej popularaj rajtocedaj permesiloj. Iuj rajtocedaj permesiloj kongruas kun aliaj rajtocedaj permesiloj (ekzemple la Mozilla Public License 2.0 kongruas kun la GNU-familio de permesiloj), sed multaj ne. Du ajnaj projektoj, kiuj uzas la saman rajtocedan permesilon kongruas inter si kaj povas libere kunhavigi kodon.
Integri permeseman kodon en rajtocedan projekton simplas, se la permesiloj kongruas: vidu la antaŭa sekcio.
Administri multajn permesilojn kaj aŭtorrajtojn en unu projekto
Pli grandaj kaj kompleksaj projektoj povas integri programojn el multaj diversaj fontoj kun multaj malsamaj permesiloj kaj aŭtorrajtaj posedantoj. Se ĉi tio priskribas vian projekton, ni rekomendas, ke vi konsideru apliki la REUSE-normon al via laboro.