Pli bone per liberaj programoj
Reddit pagas la prezon ignori la proteston de siaj uzantoj kontraŭ siaj lastaj ŝanĝoj.
Unuflanke multaj homoj moviĝis al aliaj platformoj kiel Lemmy, kiu triobligis siajn uzantojn en mallonga tempo:
Aliflanke la retejo de Reddit ĉesis funkcii pro protestoj, en kiuj pli ol 7000 diskutejoj Legu plu el Reddit perdas uzantojn kaj monon, ĉar ĝi ignoris la plendojn de siaj uzantoj
La disvolvistoj de Invidious ricevis retmesaĝon el YouTube, kiu petas, ke ili ne plu havigu la programon. Laŭ la jura teamo de YouTube, ili estus malobservantaj la uzkondiĉoj de la API de YouTube, kio ne eblas, ĉar Invidious ne uzas la API de YouTube.
Ili ankaŭ diras, ke Invidious «estas havigata en invidious.io», kio ankaŭ ne veras, ĉar tiu retejo ne gastigas neniun version de Invidious. Nuntempe estas 40 retejoj, kiuj gastigas publikajn versiojn de Invidious, sur kiuj la Invidious-skipo neniun regpovon havas, ĉar Invidious uzas la liberan permesilon AGPL. Eĉ se Invidious estu kontraŭleĝa en Usono, estas versioj gastigitaj en la Tor-reto, en la I2P-reto kaj en multaj landoj, kio igas, ke efektive ne eblu malaperigi Invidious. Krome, ĝia kodo troviĝas en kelkaj platformoj por disvolvistoj kaj en multege da komputiloj.
Invidious akceptis nek la kondiĉojn de uzado de la YouTube-API nek tiujn de YouTube. YouTube ebligas la aliron al la enhavo gastigita en siaj serviloj per la HTTP-protokolo, do Invidious neniel ciferece krimis; ĝi simple defendas la rajton al la privateco kaj libereco.
Google (la firmao, kiu regas YouTube-n), aliflanke, ne respektas la privatecon, cenzuras, postulas uzi proprietajn programojn, ekspluatas la uzantojn kaj ege damaĝas la naturon (por citi nur kelkajn ekzemplojn). Pro tio estas homoj, kiuj opinias, ke Google devas esti detruita.
Bonŝance, eĉ se Invidious malaperas, ekzistas aliaj liberaj projektoj
kiel Piped,
NewPipe kaj
youtube-dl. Ĉu Google ankaŭ minacos la
disvolvistojn de tiuj projektoj kaj iliajn milionojn da uzantoj?
La britia registraro decidas ekstradicii al Julian Assange al Usono, la lando, kiu planis mortigi lin; iliaj advokatoj apelacios al Alta Kortumo.
La trakto ricevita de Assange en Britia malliberejo estas fia: psikologiaj torturoj, kiuj kaŭzis al li ekstreman streson kaj igis, ke li deziru memmortigi, laŭ la observoj de pli ol sesdek kuracistoj kaj la speciala raportisto de Unuiĝintaj Nacioj. En Usono li povas eĉ preni punojn, kiuj entute estu 175 jaroj sub la Spionada Leĝo. Assange agis kiel ĵurnalisto publikante misuzojn de povo kaj militkrimojn.
npm jam pruvis esti malsekura pako-administrilo — lastatempe per la fiprogramaro de node-ipc —. Alia biblioteko tre uzata, elŝutita pli ol 600 000 fojoj semajne per npm, nomita EventSource polyfill aldonis propagandajn mesaĝojn skribitajn en la rusa favore al la ukraina reĝimo direktajn al tiuj, kiuj havas sian horzonon agorditan kiel regionon de Rusio, eĉ malfermante fenestron en la retumilo kun la URL de kolekto de subskriboj kontraŭ la milito.
Ĝi montras falsajn mensaĝojn kiel «91 % el la ukrainaj plene subtenas la prezidanton Volodimir Zelenskij», sed la partopreno en la 2019aj elektoj estis 49,84 % kaj la partio de tiu politikisto atingis entute 6 307 793 balotilojn (43,16 %). Ĝi ankaŭ rekomendas aliri al la ĵurnalo de la BCC (brita ŝtata ĵurnalo) per Tor (ĉar ĝi estas cenzurita en Rusio) kiel fidinda fondo de informo.
La provizoĉena atako uzita de la programo node-ipc, dependaĵo de multaj aliaj programoj, sonigis la alarmilojn en la komunumo de la libera programaro. La fiprogramaro kreis dosieron kun protestmesaĝon en la dosierujo kaj forigis ĉiujn dosierojn de la komputiloj, kiuj havis rusan aŭ belorusan IP-adreson.
Kompreneble, ĉar la programo estis libera, oni povis kontroli tion, kion ĝi faris, antaŭ elŝuti ĝin, sed multaj homoj ne kutimas praktike fari tion. La atako montris, ke la aŭtomataj ĝisdatigoj de programoj ne estas sekuraj en pakaĵaj administriloj de programlingvoj, speciale de npm, kiu jam havis similajn problemojn estintece.
La atako kaŭzis perdon de konfido de la komunumo de la libera programaro al programisto Brandon Nozaki Miller. La atako kun la paca mesaĝo estas vere sabotigo, ne kontraŭ la militaj aŭtoritatoj de Rusio kaj Belorusio, sed kontraŭ homoj, kiuj loĝas en tiuj landoj aŭ kiuj uzas virtualan privatan reton kun IP-adreso de tiuj landoj, kaj faras programojn. Ĉu montri kiel malbonaj kaj ataki ĉiujn loĝantojn de lando kondukos al paco?
