Krei kaŝitan servon por retejo en Nginx (clearnet kaj darknet)

Ĉu vi volas krei retejon uzante Nginx-servilon kaj vi volas ankaŭ havi tiun retejon kiel kaŝitan servon por Tor-uzantoj? Ĉi tie mi klarigas al vi kiel tion fari en Debiano (GNU/Linukso).

Unue ni devas instali la jenajn pakojn:

sudo apt install nginx tor

Poste oni devas malkomenti la sekvajn liniojn de la dosiero /etc/tor/torrc:

#HiddenServiceDir /var/lib/tor/hidden_service/
#HiddenServicePort 80 127.0.0.1:80

Jen la rezulto:

HiddenServiceDir /var/lib/tor/hidden_service/
HiddenServicePort 80 127.0.0.1:80

Sekve ni restartigas la Tor-servon:

sudo systemctl restart tor

Dum la restartigo Tor kreas la hidden_service/-dosierujon kaj plenigas ĝin per la URL de la kaŝita servo (dosiero hostname) kaj la publika kaj privata ŝlosiloj.

Se kaj Nginx kaj Tor rulas kiel servoj kaj ni iras al la adreso, kiu estas en /var/lib/tor/hidden_service/hostname, ni povos vidi la bonvenan paĝon de Nginx.

Implicite la retejo por Nginx devas troviĝi en la vojo /var/www/html/. Do ni nur devas disvolvi la retejon ene de tiu dosierujo. Ne gravas, ĉu oni uzu Tor-URL-n aŭ kutiman URL-n, la retejo estas la sama. Atentu, ke por ke la ligiloj al aliaj paĝoj de via retejo funkciu uzante .onion-URL-jn, oni bezonas uzi relativajn adresojn.

kromaĵo: aldoni paĝokapo .onion disponebla

Legu plu el Krei kaŝitan servon por retejo en Nginx (clearnet kaj darknet)

Skribi ĉiun ajn signon per la klavaro en GNU/Linukso, rapide

Pro via laboro aŭ io ajn vi devas skribi kelkfoje signojn, kiujn vi ne trovas pentritaj en la klavaro (¹, «, —, ä, ĉ, ß, ŭ, ktp.), aŭ vi havas rompitan klavon. Kion vi faras? Legu plu el Skribi ĉiun ajn signon per la klavaro en GNU/Linukso, rapide

Bloki retejojn: hosts-dosiero

Por bloki retejojn vi povas uzi retumilan kromprogramon (kiel Block Site), prokurilan servilon (kiel Squid), sed ankaŭ estas la opcio redakti la hosts-dosieron, metodo kiu konsumas malmultege da ĉefmemoro kaj, malkiel la retumila kromprogramo, funkcios por ĉiu retumilo aŭ programo, Legu plu el Bloki retejojn: hosts-dosiero

Veturila videludo: SuperTuxKart

SuperTuxKart estas veturila videludo altkvalita. La karakteroj estas bestemblemoj de liberaj programoj, kiel Tux, Gnu kaj Wilber (la bestemblemo de GIMP). Ĝi havas historian reĝimon, kelkajn malfacilecajn nivelojn kaj eblas ludi rete.

Elektado de karaktero
Animacio de la historia reĝimo

Sed krom la klasikaj veturilaj vetkuroj kun aĵoj, estas aliaj ludaj reĝimoj: piedpilko, sekvu la estron, tempa provo kaj batalo. El ĉi tiuj la plej interesa por ludi rete estas piedpilko, ĉar permesas konkuri en teamoj. Kutime estas reta piedpilka turniro ĉiumonate.

piedpilka ludo

Oni povas instali la ludon en distribuo de GNU/Linukso bazitaj sur Debiano plenumante sudo apt install supertuxkart.

Jen mi montras la antaŭfilmon de la plej nova versio, la 1.3:

Legu plu el Veturila videludo: SuperTuxKart

Kiel lerni uzi Vi(m)-n?

Kvankam estas simpla redaktilo, Vim povas esti iom malfacile lernebla. Kiel perdi tempon por lerni uzi redaktilo tiel stranga kaj malnova?

Estas du versioj: Vi kaj Vim (angle Vi improved). Ambaŭ funkcias same, sed Vim havas pli trajtojn, kvankam ankaŭ bezonas pli da diskspaco. Vi estas instalita en la plej granda parto de komputiloj kun GNU/Linukso. Se vi administras komputajn sistemojn, estas strange trovi vian plej ŝatatan redaktilon en hazarda servilo, sed Vi estas preskaŭ ĉiam tie. Sciante kiel funkcias vi povas rapide solvi problemojn kaj redakti rapide dosierojn en komputiloj sen grafika fasado.

Vim estas redaktilo, kiu ŝparas tempon, kiam vi scias kiel uzi ĝin, ĉar oni ne devas disigi la manojn el la klavaro por preni la muson. Lerni uzi reĝima redaktilo (havas kelkajn modojn: enmeto, normala...) kiel Vim ja ne estas simple, sed valoras la penon longtempe. Mi dirus, ke estas unu el la plej efikaj redaktiloj disponeblaj, kaj oni havas la garantio, ke ne malaperos nek grandaj ŝanĝoj estos aldonitaj, kiel okazas kun aliaj modernaj redaktiloj.

Por komenci lerni vi povas plenumi vimtutor en la terminalo, se vi havas Vim-n instalitan. Se ne, oni povas instali ĝin en distribuoj de GNU/Linukso bazitaj sur Debiano per la sekva komando:

sudo apt install vim